Overblog Suivre ce blog
Editer l'article Administration Créer mon blog

juste pour Le plaisir du partage

juste pour Le plaisir du partage

je partage avec vous les meilleures recettes astuces et autres trouvées sur YouTube et ailleurs


لمثوم بعدة طرق مختلفة

Publié par sou sur 11 Juin 2016, 23:17pm

Catégories : #recettes de asmahane

voila des recettes de asmahane que je souhaite

partager avec vous


لمثوم الحلزوني 
 



نحتاج الى كمية من اللحم المرحي طرف صدر دجاج مرحي 2 م ك خبز مرحي صفار بيضة شوية بصل مرابي خليط من الدبشة والمعدنوس حبيبات زيتون اخضر مرحي ومعصور من الماء نتاعو واكيد بعد ما تكوني غليتيه مرتين او ثلاثة وشوية خميرة نتاع الحلويات واكيد التوابل ملح وفلفل اسود ولفاح وزنجبيل خلطي كلش مع بعض


وشكلي كريات هنا الاختيار يرجع ليكي تحبي تحشيهم بالفرماج او تستعمليهم هكذاك انا حشيتهم وحطيتهم في مول السيليكون شكل حلزوني بعد ما دهنتو بالزبدة 
 



ولحتى في الفور سخون حوالي 10د غير شد روحو برك نحيتهم وكنت موجدة لاصوص من قبل وهي 
قليت طراف لحم مقطعين صغار مع شوية بصل مرحي وثوم ومعدنوس ومغرفة صغيرة فرينة وزيت وغير شوية ملح فلفل اسود لفاح زنجبيل مغرفة كبيرة خل قليتيهم خليتهم يتقلاو على نار ذليلة ومن جيهة كان عندي زيتون اخظر مغلي ثلاث مرات قليتو في شوية زيت وزبدة مع شوية شامبينيو وفلفل اسود قليتهم مليح حتى تشربو هذيك الزبدة واضفتهم للتقلية الاولى مع اللحم ومن بعد مرقتها وخليت اللحم يطيب 

 


بعد ما تشوفي اللحم نتاعك طاب لوحي هاذوك لي بولات وخليهم يكملو طيابهم ولاصوص تخثار من بعد نحي لي بولات نتاوعك وديري في كيس او لابوش ادوي ثقب رقيق ديري فرماج لافاش كيري مثلثات طري وبنين واعملي خطوط على الحبات وقدميهم ساير داير في طبسي


وحطي في الوسط الزيتون والشونمبينيو واللحم نتاعك اللي في لاصوص زيني بالمعدنوس ومع عصرة ليمون اممممممم وامممممممم شوفي الشكل باهي 

 


لمثوم باللوز



وجدي اللحم المرحي نتاعك تبليه بالملح والفلفل الأسود الزنجبيل الافاح الثوم المعدنوس هريسة صفار بيضة ومغفرة صغيرة نشاء خلطيه مليح ثم شكلي كريات متوسطين في الحجم نتاعهم رميهم في الفرينة وفي كل حبة ارشقي لوزة ويكون اللوز بلا قشور ثم اقليهم في شوية زيت وزبدة



نحيهم بجيه وفي هاذاك الزيت حطي طرف لحم خروف ملح (متكثريش الملح غير شوية ) فلفل اسود لفاح زنجبيل ثوم بصل مرحي معدنوس مغرفة صغيرة فرينة عود قرفة اختياري ماش لازم انا حطيتو لان بنتي تحب القرفة فقط
قلي مليح مع شوية ماء على نار ذليلة ثم امرقي وخلي اللحم يطيب 



بعد ما يطيب لوحي لي بولات نتاوعك وخليهم يكملو طيابهم حتى المرق يخثار اعصري شوية ليمون وقدميه بالصحة والهناء 
مثوم بالدجاج والخضرة محشي بالسق



في قدرة حطي حبيبات جلبانة حبة جزر مقطعة رقيق حبيبات حُمُّص معدنوس ودبشة مغرفة فرينة شوية لاموطارد بصل ثوم غير شوية ملح فلفل اسود لفاح زنجبيل زيت ثوم بودرة الا عندك قليهم مليح على نار ذليلة شوفي الصورة

 

ثم امرقي وخلي الخظر طيب 
من جيهة ارحي صدر الدجاج ( الكمية اللي تحبي ) ديريلومعدنوس مقطع رقيق مغرفة كبيرة غبرة لفريك ملح فلفل اسود لفاح زنجبيل ثوم بودرة شوية خل خلطي كلش مع بعض 
تكوني موجدة سلق مقطع رقيق ومذبل في شوية زبدة كي يذبل مليح اعصريه من الماء نتاعو وزيديلو فرماج رابي وحطيه في وسط كرية من الدجاج اللي وجدتي من قبل
 


 

شكلي كرياتثم رمديهم في الفرينة واقليهم

 



من بِع لوحيهم في المرق وخليهم يخثارو 
انا هنا قدمتهم مع صحن نتاع جبن مرحي ( حطيت فوق ورق الزبدة كمية من الفرماج المرحي على شكل دائرة ودخلتو للفور غير شوية ونحيتو وخليتو شد روحو وقلبتو على كاس حتى حكم الشكل نتاعو وللامانة هاذ الفكرة شفتها مرة في النت وعجبتني ) من بعد عمرت صحن الجبن بالخضر نتاعي اللي في المرق وقدمته 






لذيييييييييذ وبنننننننننننين بالبزاف يستاهل أنكم جربوه 
مثوم بلحشاوش 




لحم مرحي ديري معاه كمية من الدبشة والمعدنوس والسلق مغلي او مذبل في الزبدة ومعصور وملح وفلفل اسود ولفاح وثوم وهريسة خلطي كلش مع بعض وشكلي كريات 


وجدي صوص طماطم 
خذي زوج حبات طماطم قطعيهم رقيق مع الدبشة والثوم وشوية بصل زيت ملح فلفل اسود لفتح زنجبيل وكمون وشوية طماطم مصبرة وهريسة وفلفل حالة الا حبيتي مقطع رقيق وقليهم مليح على نار ذليلة وزيدي نصف كاس ماء وخليه يغلي شوية 



وفرغيه في مول نتاع الفور وحطي لي بولات اللي وجدتي ودخليهم يطيبو ثم نحيه وفرغي عليه بيض فيه شوية دبشة وفرماج رابي والى الفور يحمار وينشف البيض 



انا قدمته مع أقراص بيض انجان مفورين ومقليين 
جا روعةةةةةةةةةة وساهل وما يديش الوقت 
مثوم بهبرات اللحم 


هنا للاسف ما صورتش المراحل لكن راه مثوم عادي وساهل
وجدي صوص بيضاء وجيبي اللحم نتاعك قطع صغار اكيد ووجدي اللحم المرحي نتاعك وتبليه مليح هنا عملت فيه مغرفة كبيرة نتاع غبرة لفريك عملتو بولات صغار وقليتهم ثم لحتهم في لاصوص مع اللحم كملو طيابهم حتى خثارت لاصوص وقدمته مزين بالقارص والمعدنوس 
كفتة بالسردين البنة ما نحكيلكش



خذي حبات السردين بعد ما تنقيه وتغسليه مليح حاولي قدر الإمكان تنحيلو القشرة الرمادية انا ما نحبهاش فيه سيغتو كي راح نرحوه من بعد 




حطيه في روبو او ميكسور حطي معاه شوية دبشة ثوم شوية هريسة وشوية طماطم مصبرة عصرة قارص ملح فلفل اسود لفاح زنجبيل وكمون راس فلفل حار (الفلفل يمدلو بنة رائعة انا نستعملو ديما في اللحم المرحي نتاعي او السردين او الدجاج المرحي من يوم جربتو رجعت ما نستغناش عليه ) وزيدي وريقات نعناع او حبق وارحي كلش مع بعض
   

 

اوقفيلميكسور نتاعك وزيدي عاودي ارحي لازم يترحى مليح حتى هاذاك الشوك الرقيق يترحى وما يبانش شوفي في الصورة كيفاش يولي 

 



ثم بلي يدك بالماء واعملي كويرات ورمديهم في الفرينة واقليهم غير شوية برك قيس ما يشدو رواحهم 
وجدي لاصوص نتاعك وهي في قدرة حطي حبة طماطم مرابيا ثوم فلفل اسود كمون زنجبيل لفاح شوية طماطم مصبرة هريسة زيت ودبشة وورق الرند وشوية ماء و حبيبات حُمُّص مرنخ من قبل (انا نحب نستعمل نتاع القرعة في هاذ الوصفات طري وثم ثم يطيب ) وقلي كلش مع بعض ثم لوحي ليبولات نتاعك وأمرقي متكثريش الماء لانو السردين ما فيه حتى روح يطيب ليه ليه وحتى الحمص راه مرقد من قبل كي تشوفيه خثار اعصري عليه الليمون ورشيه بالدبشة وقدميه بالصحة والهناء والبنة جربي وأحكمي بنفسك

مثوم الرخامة 




وكاين اللي يسميه طاجين لمرخم او طاجين الرخام او كفتةة البيض 
ساهل وبنيييييين 
غلي البيض على حساب عدد افراد عايلتك 
وجدي صوص بصل ثوم طراف لحم فلفل اسود معدنوس زنجبيل لفاح شوية خل 1 م ص فرينة حبيبات حمص قلي مليح 


من جيهة تبلي اللحم المرحي نتاعك بالملح والفلفل الاسود لفاح زنجبيل شوية بصل ثوم بيضة 2 م ك شابلير 2 م ك غبرة لفريك شوية نشاء فلفل احمر مرحي معدنوس خلطي كلش مع بعض ثم خذي كمية من اللحم وحطي في وسطها بيضة مغلية كاملة ولفي عليها غير بلعقل وممكن تقسمي البيضة على زوج بالعرض وتلفي اللحم نتاعك على الصفار والبياض تعمريه باللحم المرحي شغل راكي ديري في محشي 
 
  طلفيهم في الفرينة ومن بعد اقليهم باه يشدو روحهم



لوحيهم في المرق نتاعك المرق لازم ما يغطيهمش باه ما يتحلوش مرة على مرة قلبيهم غير بالشوية كي تخثار المرقة نتاعك طفي واعصري شوية ليمون ومن بعد قدميهم مقسومين على زوج شوفي الشكل نتاعهم روعةةةةةةةةةةة

 

والبنةعلاااااااامةةةةةةةةةةةة

 
 

Commenter cet article

Nous sommes sociaux !