كريمة الأوريو

Publié par sou sur 13 Juin 2016, 15:02pm

TELECHARGER RECETTES
***كريمة الأوريو ***

هاذ الكريمة اللي بالأوريو والله والله من اروع ما يكوووووووون
هنا تحبي تستعملي جبنة الماسكاربون اذا توفرت عندك او جبن كيري مربعات راح يعطيك نتيجة رااااااائعة
1) في بول كبير خلطي الماسكاربون او جبن كيري ( الاحسن يكون بحرارة الغرفة يعني تجبديه من الثلاجة يوم كامل) فرغي عليه نصف علبة نيسلي وخلطي بالخلاط مليح
2) من جيهة ضربي كاس كرام فراش انا استعملت اوبلا وممكن اي كريمة خفق عندك المهم ضربتها مليح بالخلاط الكهربائي ( باتور)
ثم اضيفي 4 م ك كرام فراش و 2 م ك سكر رطب اذا حبيتيها جيك حلوة وممكن تستغناي عليه ضربي مليح
3) ارحي 8 حبات قاطو من نوع أوريو
خلطي الخليط الاول مع الثاني بسباتيل من الاسفل الى الأعلى ثم اضيفي الأوريو المرحي وخلطي على مهلك
فرغي الخليط في بوش أدوي وعمري لي فيغين نتاوعك
ذرذري من فوق الأوريو المرحي ودخليه للثلاجة يبرد مليح
وتمتعي بألذ كريمة

*** سَلَطَةْ الفَوَاكِهْ ***

***بُودِينْقْ الشُوكُلاَ***

Commenter cet article