عجة الخضار بالبيض

Publié par sou sur 13 Juin 2016, 22:30pm

عجة الخضار بالبيض
TELECHARGER RECETTES

كي العادة خذي حبة بطاطا مرابيا حبة جزر مرابيا حبة جريوات مرابيا ذبليهم مليح في الزيت والملح وفلفل اسود على نار ذليلة و ماكيين ومرة على مرة حركي حتى طيب وتذبال نحيها من على النار اضيفيلها فرماج مرحي جبن طري نتاع بربار او شاف معدنوس ودبشة ثوم بودرة لفاح كمون وزدتلها فلفل اسود وزنجبيل وانتي والإضافات اللي تحبي ممكن طن نتاع الطماطم ممكن زيتون ممكن جاج طايب ومرحي
وجدي 4 او 5 بيضات مضربين ديريهم شوية فلفل اسود وملح وشاة ماء وخلطي ثم فرغي مع الخليط وخلطي ادهني مقلة ما تلصقش بالزيت او الزبدة حطيها تسخن شوية ثم فرغي الخليط نتاعك وغطي ونقصي للنار وخليها حتى تنشف وتحمار من تحت ثم اقلبيها في صحن بحجم المقلا وعاودي ادهني المقلا نتاعك رجعيها الى المقلا وزيدي خليها تحمار من الجهة الاخرى