رولي بالخضار

 رولي بالخضار في الفور روعةةةةةةةةةةةةة
TELECHARGER RECETTES

في صحن عميق حطي حبة بطاطا مرابيا وحبة جزر مرابيا وحبة جريوات مرابيا 4بيضات معدنوس ملح فلفل اسود فرماج رابي نصف م ص خميرة القاطو افاح زنجبيل كمون 1م ص هريسة شوية زيتون اخضر مقطع حلقات نخلط كلش مع بعض 

نحط في بلا ورق الزبدة او كيما يسميه البعض ورق الطهي ونزيد ندهنا بالزبدة نفرغ الخليط فيه ونعدلو مليح بالملعقة ثم الى الفور حتى ينشف ويحمار شوية من الاسفل ما ياخذش وقت طويل في الطياب 
بعد ما يطيب خليه 5 دقايق ومن بعد اقلبيه فوق طرشون مبلول شوية انا حبيتو يا خذلي بنة لاموطارد ادهنتو كامل بيه ( ممكن تستغناي انتي على هاذ لاموطارد) غطيه باللحم المرحي يكون متبل وطايب ثم ضعي عليه شرائح الفرماج تعطيه بنة روعةةةةةةةةةة اذا ما عندكش استعملي فرماج عادي ثم رولي غير بالشوية ثم هزيه وحطيه في مول وأطلي السطح نتاعو بصلصة الطماطم اللي تحبي انا عندي وصفة نديرها وما نبدلهاش 
نحط في طاولة طماطم مقطع مكعبات نضيفلها شوية طماطم مصبرة شوية هريسة ثوم ملح فلفل اسود كمون فاح زنجبيل توابل الكاري دبشة ورق رند زيت وشوية ماء وحطيتها طيب بعد ما تغطيها مرة على مرة خلطيها ثم ارحيها بعد ما تنحي أوراق الرند جات فيها بنة رهيييييييييية ورااااااائعة 
المهم بعد ما تغطي سطح الرولي بصلصة الطماطم حطي عليه فرماج رابي من فوق ولوحيه دقائق في الفور 
 

قطعيه دوائر وقدميه لعايلتك بنة ولا اروع