أساور الدجاج بالجزر

Publié par sou sur 13 Juin 2016, 22:59pm

Catégories : #recettes de asmahane, #poulet

أساور الدجاج بالجزر
TELECHARGER RECETTES

خذي حبة جزر مقشرة ومرابيا خلطيها مع صدر دجاج مرحي معدنوس مقطع موطارد ملح فلفل اسود افاح زنجبيل شوية فرينة ثوم طازة او بودرة لهريسة للي يحب الحار خلطي كلش مع بعض

ثم شكلي أساور كيما في الصورة سخني الزيت واقليهم من غير ما تحطيهم في الفرينة

تكوني موجدة المرق وهي بصل ثوم ملح فلفل اسود افاح زنجبيل شوية فرينة شوية موطارد معدنوس زيت انا استعملت هنا اجنحة الدجاج

ملاحظة (ممكن تتسائلو على سر وجود الفرينة ولاموطارد في المرق الأبيض والله حبيباتي عن تجربة اكيد يعطيولو بنة ولون رائع للمرق الأبيض وجيك المرق خاثر بلا ما تضيفي حتى حاجة مع الأخير )
قلي مليح المكونات نتاعك على نار ذليلة ثم أضيفي حبيبات زيتون اخضر بلا علف ومقسومة الحبة على زوج و كمية من الحمص (استعملت الحمص المصبر طري وبنين وبالخف يطيب ) ثم امرقي وخلي الدجاج يطيب
نحي الدجاج وزيدي للمرق شامبينيو (فطر معلب) بعد ما تكوني ذبلتيه في شويةزبدة وفلفل اسود وثوم بودرة ولوحي الأساور نتاوعك نتاع الدجاج و خليهم يكملو طيابهم وياخذو بنة المرق