/image%2F0569915%2F20170312%2Fob_e7854b_250622ec.png)
شاورما رولي
خذي كمية من صدر الدجاج شرائح رقاق وتبليه بالملح والفلفل الاسود والزنجبيل والخل او عصير الليمون شوية موطارد ( اللي هي الخردل ) وخليهم مدة اربع ساعات او اكثر
قلي في الزيت شرائح البصل مقطعة هلالات وفلفل حلو حتى يذبالو مليح اضيفيلهم الدجاج اللي تبلتي من قبل وزيديلهم 1م ك خل وشوية بهارات والقليل من لاموطارد واكيد الثوم وخليط من المعدنوس والدبشة وقلي الكل مليح على نار ذليلة حتى يطيبلك الدجاج
خذي قطعة فحم شعليها وحطيها في كاس وفي وسط الخليط حطي الكأس وصبي شوية زيت على الفحمة وخطي بغطاء راح يتكون دخان وهاذاك الدخان راح يمد طعم الشواء للدجاج نتاعك
ارحي نصف صدر الدجاج اللي بقالك وتبليه بالمعدنوس والملح والفلفل الاسود ولفاح والزنجبيل وصفار البيض وراس فلفل حار يغير في بنة الدجاج المرحي عادي
ثم اطرحيه على ورق بلاستيكي وحطي الشاورما نتاعك على الجانب بالطول
وبمساعدة الورق البلاستيكي لفي على الشاورما الدجاج المرحي تتحصلي على شكا اسطواني زيدي لفئه في ورق ألمنيوم وحطيه في بلا نتاع فور فيه الماء ودخليه للفور يطيب راه ما يطولش في الطياب
كي تنحيه ادهنيه بخليط لهريسة ولاموطارد والزبدة الطرية والفلفل الاسود والملح والثوم تدهنيه مليح ثم حمريه في الزيت
وتقسميه بشكل مائل انا قدمته مع بطاطا قطعتها هلالات كبار وفورتها ثم قليتها في الزيت ومن بعد نحيت الزيت وضفتلها شوية دبشة وفرماج رابي وملح وفلفل اسود وطرف زبدة وقليتها مليح
وقدمتها مع رولي الشاورما سخونة يا لهوييييييي هو بنين يقتل والبطاطا ودرتلي عقلي جربي ومش راح تندمي اكييييييييد
في امان الله حبيباتي
Partager cet article
Pour être informé des derniers articles, inscrivez vous :
/http%3A%2F%2Fcdn.top4top.net%2Fi_e5d8343af69.jpg)
/http%3A%2F%2Fcdn.top4top.co%2Fi_d99e319cf31.jpg)
/http%3A%2F%2Fwww.m5zn.com%2Fnewuploads%2F2015%2F09%2F14%2Fjpg%2F%2F1eb80a9686fa78f.jpg)
/http%3A%2F%2Fwww.djelfa.info%2Fvb%2Fimages%2Fstatusicon%2Fwol_error.gif)