دجاج محشي بالخضار

دجاج محشي بالخضار امممممم من اروع ما يكون 

بسم الله 
اول شيئ اعملي صوصو بيضاء واللي هي شوية بصل ثوم ملح فلفل اسود معدنوس افاح وزيت 1 م ص فرينة 1 م ص موطارد و1 م ك خل او عصير الليمون يعطيو نكهة خاصة للمرق انا عملت فيه 2 جنحيح نتاع الدجاج وقليت مليح ثم امرقي وخلي الدجاج يطيب

من بعد نحي الجنحين واقليهم في الزبدة والزيت وخليهم بجيه



عملت ربع صدر دجاج وزدتلو شوية لحم مرحي ورحيتهم مع بعض ثم اضفتلهم صفار بيضة ملح فلفل اسود افاح 1 م ص نشاء وثوم بودرة وخلطي كلش مع بعض 
وجدي خليط الخضار واللي هو حبيبات جلبانة مغلية زيتون اخضر مقطع شرائح معدنوس ودبشة شوية ارز مغلي في الماء والملح ونصف حبة طماطم مقطعة مكعبات صغار ملح وفلفل اسود وثوم بودرة و1 بياض البيض وخلطيهم مليح 
اطرحي الدجاج فوق ورق بلاستيكي ثم حطي الخضار على الجنب وخطي بالجزء الاخر وحاولي تغلقي مليح على الجوانب تتحصلي عل شكل مستطيل هاذ الكمية عملتلي زوج مستطيلات 



ثم اقليهم في الزيت عل الجهتين 



من بعد حطيهم في مقلات خاصة بالبانيني او هاذ الجهاز الخاص بيها فقط لزوم التزيين هاذا ما كان 



من بعد لوحيهم في المرق مدة 20 د حتى المرق يخثار مليح 
قطعيهم بهاذ الشكل وقدميهم مع الاجنحة المحمرة والخضار اللي بقاتلك 



صدقيني راه بنين بزاااااااااف ويفرح عايلتك وخاصة لاصوص هبااااااال